ഇവര്‍ക്ക് വേണ്ടി ശബ്ദിക്കാന്‍ ആരുണ്ട്?


ലൈംഗിക പീഡനം എന്നതു നമുക്ക് ചിരപരിചിതമായ ഒരു പദമായി മാറികഴിഞ്ഞു. ഈ പദത്തോട് എപ്പോഴും ചേര്‍ത്ത് വെക്കാവുന്ന ഒന്നായി സ്ത്രീയും മാറിപ്പോയി. ലൈംഗിക പീഡനത്തിനു പര്യായമെന്നോണം സ്ത്രീ പീഡനം എന്ന വാക്ക് ഉപയോഗിച്ച് തുടങ്ങിയിട്ടുണ്ട്. സ്ത്രീകള്‍ക്കെതിരെയുള്ള പീഡനങ്ങള്‍ കുറെ നാടറിയുന്നു, അതിലും കൂടുതല്‍ നാടറിയാതെ നടക്കുന്നു.  എന്നാല്‍ നാടറിയാതെ പോവുന്നത് സ്ത്രീകള്‍ക്കെതിരെയുള്ള പീഡനങ്ങള്‍ മാത്രമാണോ?

ഈ അടുത്ത് മലപ്പുറം ജില്ലയിലെ ഗ്രാമപ്രദേശത്ത് നിലകൊള്ളുന്ന ഒരു സര്‍ക്കാര്‍ സ്കൂളിലെ കൌന്സിലെരുമായി ചില കാര്യങ്ങള്‍ ചര്‍ച്ച ചെയാന്‍ അവസരമുണ്ടായി. സ്കൂള്‍ കുട്ടികളുടെ മാനസികാരോഗ്യ ഉന്നമനത്തിനായി നിയമിക്കപ്പെട്ട ആ കൌണ്‍സിലെറുടെ വാക്കുകള്‍ ഞെട്ടലുളവാകുന്നവയായിരുന്നു. പൊതുവേ കുട്ടികളിലേക്ക് ഇറങ്ങി ചെന്ന് അവരുടെ പ്രശ്നങ്ങളും, അതില്‍ കൂടുതല്‍ പുറം ലോകത്തിനു ഒരു പരിധി വരെ അപരിചിതമാവുന്ന കുട്ടികളുടെ  മാത്രം ലോകവും അടുത്തറിയാന്‍ കഴിയുന്നവാരാണ് സ്കൂള്‍ കൌണ്സിലെര്‍മാര്‍. ആ ചര്‍ച്ചയില്‍ കടന്നു വന്നത് പെണ്‍കുട്ടികള്‍ക്ക് നേരെയുള്ള ലൈംഗിക ചൂഷണത്തെ കുറിച്ചല്ല. പകരം, ആണ്‍കുട്ടികള്‍ക്ക് നേരെയുള്ള ലൈംഗിക ചൂഷണത്തെ കുറിച്ചായിരുന്നു അവര്‍ക്ക് പറയാനുണ്ടായിരുന്നത്. സ്കൂളില്‍ പഠിക്കുന്ന ആണ്‍കുട്ടികളെ എട്ടും പൊട്ടും തിരിയാത്ത പ്രായത്തില്‍ ലൈംഗികമായി ചൂഷണം ചെയ്യുന്ന ഒരു വലിയ രാകെറ്റ്‌ സമൂഹത്തില്‍ പ്രവര്‍ത്തിക്കുന്നുണ്ടെന്നാണ് ആ ചര്‍ച്ചയോടെ  മനസ്സിലായത്‌. അഞ്ചാം ക്ലാസ്സില്‍ പഠിക്കുന്ന കുട്ടികളെ മുതല്‍ നിര്‍ബന്ധിതമായി സ്വവര്‍ഗ രതിയിലേക്ക് വലിച്ചിഴക്കപ്പെടുന്നു എന്നാണ് അവര്‍ ആശങ്കപ്പെട്ടത്. നാടും വീടും വീട്ടുകാരും മിക്കവാറും ഈ ചൂഷണത്തെ കുറിച്ച് അറിവില്ലതവരാണോ?

അഞ്ചാം ക്ലാസുകാരനായ കൊച്ചു മിടുക്കന്‍ സ്കൂളിലെ ഇടവേളയില്‍ സ്കൂള്‍ പരിസരത്ത് വെച്ച് സ്വര്‍ഗ്ഗ രതിക്ക് നിരബന്ധിക്കപ്പെട്ട് പേടിച്ചരണ്ടു നിലവിളിചോടി വന്നത് കണ്മുന്‍പില്‍ ഇന്നും കാണുന്നുണ്ട്. അന്ന് സ്കൂളിലെ മുതിര്‍ന്ന ഒരു കുട്ടിയാണ് അതിനു മുതിര്‍ന്നതെങ്കിലും, ആശങ്ക മറ്റു വഴിയിലേക്കും നീണ്ടിരുന്നു. ഇതിന്‍റെ വിത്ത് എവിടുന്നു വന്നു? സ്കൂളില്‍ നിന്നോ അതോ സമൂഹത്തില്‍ നിന്നോ? ഗൌരവമായി ആലോചിക്കേണ്ട വിഷയം തന്നെ.

പലപ്പോഴും ഒരു കുട്ടിയില്‍ നിന്ന് അന്വേഷണം ഉറവിടങ്ങളെ തേടി നീളുമ്പോള്‍, മുതിര്‍ന്നവരിലും സമൂഹത്തിലെ പകല്‍മാന്യന്‍മാരിലുമാണ് എത്തി നില്‍ക്കുന്നത്. ലൈംഗികത എന്തെന്ന് പോലും അറിയാത്ത ചെറിയ കുട്ടികളെ തന്ത്രപരമായി പരിധിയിലാക്കി തങ്ങളുടെ ലൈംഗിക ആവശ്യങ്ങള്‍ക്ക് വൃത്തി ഹീനമായ രൂപത്തില്‍ സമൂഹത്തിലെ ചിലര്‍  ഉപയോഗപ്പെടുത്തുന്നു. തുച്ചമായ പ്രതിഫലമോ, കുട്ടികളെ വീണ്ടും വരുതിയിലാക്കാന്‍ തക്ക രീതിയില്‍ സമ്മാനങ്ങളോ  മറ്റും നല്‍കി,  പതിവായി ഇത്തരം പ്രക്രിയകളിലേക്ക് കുട്ടികളെ വലിച്ചിഴക്കുന്നു. ഇരകളാവുന്ന കുട്ടികള്‍ പരിഭ്രാന്തി മൂലമോ എന്ത് ചെയ്യണമെന്ന ആശയക്കുഴപ്പം മൂലമോ മാതാപിതാക്കളോടോ, മറ്റു ബന്ധപ്പെട്ടവരോടോ നടന്ന സംഭവങ്ങള്‍ വെളിപ്പെടുത്താതെ പോവുന്നു. ഈ അവസരവും പ്രതികൂലമായി ഉപയോഗിക്കപ്പെടരുണ്ട്. തുടരെ തുടരെയുള്ള ഈ ചൂഷണം ചില കുട്ടികളെ ഇത്തരം പ്രവര്‍ത്തനങ്ങളെ ഏറ്റു പിടിക്കാന്‍ ഇടയാക്കാരുമുണ്ട്. പുതിയ കണ്ണികളായി ഇവര്‍ വളരുകയും മറ്റു കുട്ടികളെ കണ്ണി ചേര്‍ക്കുകയും ചെയ്യുന്നു. അങ്ങനെ ഇത്തരത്തിലുള്ള ലൈംഗിക ചൂഷണം ആവര്‍ത്തിച്ചു കൊണ്ടിരിക്കുന്നു. 

ലൈംഗികത എന്തെന്നും സ്വവര്‍ഗ്ഗ രതി എന്തെന്നും അറിയാത്ത ചെറുപ്രായത്തില്‍ പ്രകൃതി വിരുദ്ധമായ ലൈംഗിക ചൂഷണത്തിന് വിധേയമാവുന്ന കുട്ടികളില്‍ ചിലര്‍  കരകയറാന്‍ കഴിയാത്ത മാനസിക സംഘര്‍ഷത്തില്‍ അകപ്പെട്ടുപ്പോവുന്നു. നിര്‍ബന്ധിത ലൈംഗിക വേഴ്ചയും, ലൈംഗിക ചൂഷങ്ങളും കുട്ടികളിലുണ്ടാകുന്ന പ്രത്യാഘാതങ്ങള്‍ വളരെ ഗൌരവമേറിയതാണ്. ശാരീരിക പ്രത്യാഘാതങ്ങള്‍ സൃഷ്ട്ടിക്കുനതോടൊപ്പം മാനസിക വളര്‍ച്ചയിലും, വൈകാരിക തലത്തിലും പ്രത്യാഘാതങ്ങള്‍ ഉണ്ടാക്കാനും  ഇത്തരം പ്രവര്‍ത്തനങ്ങള്‍ ധാരാളമാണ്.ഇതിലെല്ലാം ഉപരി, ഭാവിയില്‍ അവരുടെ ലൈംഗിക ജീവിതത്തെയും ഇത് സാരമായി ബാധിക്കുമെന്ന് പഠനങ്ങള്‍ പറയുന്നു. ബന്ധങ്ങള്‍ കെട്ടിപ്പടുക്കുന്നതിനു അവര്‍ക്കുണ്ടയെക്കാവുന്ന ബുന്ധിമുട്ടുകളും, ഒരു തരം അരക്ഷിതാവസ്ഥയും അത്ര എളുപ്പത്തില്‍ തള്ളിക്കളയാവുന്ന പ്രശ്നങ്ങളല്ല

ഇത്തരം സംഭവങ്ങള്‍ ഒറ്റപ്പെട്ട സംഭവങ്ങള്‍ ആണെന്ന് തോന്നുന്നില്ല. പല പഠനങ്ങളും, റിപ്പോര്‍ട്ട് ചെയ്യപ്പെട്ട കണക്കുകളും നിരത്തി നോക്കിയാല്‍, ലൈംഗിക ചൂഷണത്തിന് ഇരയാവുന്ന ആണ്‍കുട്ടികള്‍ വളരെ കൂടുതലാണെന്ന് മനസ്സിലാവുന്നു. ലോകാരോഗ്യ സംഘടനയുടെ ഒരു കണക്കു പ്രകാരം, 18 വയസ്സിനു താഴെയുള്ള  73 മില്ല്യന്‍ ആണ്‍കുട്ടികള്‍ 150 മില്ല്യന്‍ പെണ്കുട്ടികളും നിര്‍ബന്ധിത ലൈംഗിക വേഴ്ച്ചക്കോ അല്ലാത്ത തരത്തിലുള്ള ലൈംഗിക പീഡന ത്തിനോ വിധേയമാവുന്നുണ്ട്. 2008 നവംബര്‍ 20 നു ദി ടെലെഗ്രഫ് റിപ്പോര്‍ട്ട്‌ പ്രകാരം, ഭാരതത്തില്‍ വേശ്യാവൃത്തിക്ക് ഉപയോഗിക്കപ്പെടുന്ന ആണ്‍കുട്ടികളുടെ എണ്ണം വളരെ കൂടുതലാണ്. പുണ്യ സ്ഥലങ്ങളോട് ചുറ്റി പറ്റിയാണ് കൂടുതലും. ഇതൊക്കെ എഴുതപ്പെട്ട കണക്കുകള്‍. അങ്ങനെയെങ്കില്‍  എഴുതപ്പെടത്തവ ഊഹിക്കാവുന്നതിലും കൂടുതലായിരിക്കും.

കുട്ടികളുടെ നേര്‍ക്കുണ്ടാവുന്ന ലൈംഗീക ചൂഷണത്തിന് ആക്കം കൂട്ടുന്ന ഒന്ന് കുട്ടികളുടെ നിസ്സഹായാവസ്ഥയാണ്. വെളിപ്പെടുതാനറിയാത്ത നിസ്സഹായ അവസ്ഥ. അതുകൊണ്ട് തന്നെയാണ് പുറം ലോകം ഇത്തരം കാര്യങ്ങള്‍ അറിയാത്തതും. സത്യത്തില്‍ വര്‍ഗ വിത്യാസമില്ലാതെ കുട്ടികള്‍ക്ക് നേരെ നടക്കുന്ന ലൈംഗീക ചൂഷണങ്ങള്‍ വളരെ കൂടുതലാണ്. ഒരു കണക്കുകള്‍ക്കും രേഖപ്പെടുതാവുന്നതിലും എത്രയോ കൂടുതല്‍.


ഇതില്‍ ഏറ്റവും അപകടം പിടിച്ച വശം, തന്‍റെ കുട്ടില്‍ വളരുന്ന ഇത്തരം ദൂഷ്യ വശത്തെ കുറിച്ച് ഈ കുട്ടികളുടെ മാതാപിതാക്കളോ, പഠിപ്പിക്കുന്ന അധ്യപകന്മാരോ വളരെ വൈകി മാത്രം അറിയുന്നു എന്നതോ അല്ലെങ്കില്‍ ഒട്ടും അറിയുന്നെ ഇല്ല എന്നതാണ്. കുട്ടികള്‍ ഇത്തരം കാര്യങ്ങള്‍വീട്ടിലോ മറ്റോ പങ്കു വെക്കുന്നത് വളരെ കുറവായിരിക്കും. എങ്ങനെ പറയും, എന്ത് പറയും, പറഞ്ഞാല്‍ മാതാപിതാക്കളില്‍ നിന്നുള്ള പ്രതികരണം എന്താവും എന്ന ചിന്തയില്‍ മിക്കപ്പോഴും കുട്ടികള്‍ വെളിപ്പെടുത്താനുള്ള  ശ്രമങ്ങള്‍  ഉപേക്ഷിക്കുകയാണ് പതിവ്. നമ്മുടെ കുട്ടികളെ ഇതില്‍ നിന്നും രക്ഷിക്കാന്‍ നമുക്ക് ചെയ്യാവുന്ന ആദ്യ പടി ഇവിടുന്നു തുടങ്ങേണ്ടതാണ്. തുറന്നു പറയാനുള്ള സ്വാതന്ത്ര്യം വീടുകളില്‍ നല്‍കുക. കുട്ടിയുടെ ചലനങ്ങളും, ചുറ്റുപാടും, മറ്റും അറിയാന്‍ ശ്രമിക്കുക. കുട്ടിയുടെ ലോകത്തെ കുറിച്ച് സംവദിക്കാന്‍ സമയം കണ്ടെത്തുക.

അധ്യാപകര്‍ ഇത്തരം വിഷയങ്ങളെ കുറിച്ച് ബോധമുള്ളവരായിരിക്കേണ്ടത് വളരെ അത്യാവശ്യമാണ്. കുട്ടികളുടെ ചലനങ്ങളും, പെരുമാറ്റ വൈകല്യങ്ങളും തിരിച്ചറിഞ്ഞു തക്കതായ നടപടികള്‍ എടുക്കുക എന്നത് പ്രധാനപ്പെട്ട കാര്യംതന്നെയാണ്. സ്വവര്‍ഗ രതിക്ക് അടിമയായ ഒരു വിദ്യാര്‍ത്ഥിയെ തന്‍റെ ക്ലാസില്‍ നിന്നും കണ്ടെത്തി, ഉറവിടമന്വേഷിച്ചു കുട്ടിയെ ഇതിനു വിധേയനാക്കുന്ന വ്യക്തിയെ കണ്ടെത്തി, മാതാപിതാക്കളുടെ സഹായത്തോടെ കുട്ടിയെ രക്ഷപ്പെടുത്തിയ ഒരധ്യാപിക പങ്കു വെച്ച അനുഭവം ഇവിടെ എടുത്തു പരാമര്‍ശിക്കുന്നത് ഉചിതമായിരിക്കും. 

നമ്മുടെ സ്കൂളുകളെ കേന്ദ്രീകരിച്ചു ഇത്തരം പ്രവര്‍ത്തങ്ങള്‍ക്ക് ആക്കം കൂടുന്നുണ്ടെങ്കില്‍ അത് ഗൌരവമായി അന്വേഷിക്കുകയും, ആലോചനക്കു വിധേയമാക്കുകയും, ഇതിനു പിന്നില്‍ പ്രവര്‍ത്തിച്ചു വരുന്ന രകെറ്റ്‌കളോ, വ്യക്തികളോ, ആരായാലും അവര്‍ക്കെതിരെ നടപടിയെടുക്കല്‍ അത്യാവശ്യമായിരിക്കുന്നു. ഇതിന്‍റെ എല്ലാം ആദ്യ പടി സമൂഹത്തില്‍ ഇത്തരം ചൂഷണങ്ങള്‍ നിലനില്‍ക്കുന്നു എന്ന തിരിച്ചറിവാണ്. ആ തിരിച്ചറിവുണ്ടാവാന്‍ ദെല്‍ഹി പോലെ, സൂര്യ നെല്ലി പോലെ അതി ഭീകരമായ സംഭവങ്ങള്‍ ഉണ്ടായേ തീരൂ എന്നാണെങ്കില്‍ നടപടികള്‍ക്ക് ഇനിയും സമയമെടുക്കും.

സ്കൂള്‍ കൌണ്‍സിലറിലേക്ക് തിരിച്ചു പോവട്ടെ. ഇത്തരം വിഷയങ്ങള്‍ കണ്ടെത്താനും ഒരു വിധം പരിഹരിക്കാനും , ഈ വിഭാഗക്കാരുടെ പങ്ക് വളരെ വലുതാണ്‌. മേല്‍ പറഞ്ഞ പോലെ മറ്റുള്ളവര്‍ക്ക് അപരിചിതമായിട്ടുള്ള കുട്ടികളുടെ മാത്രം ലോകത്തിലേക്ക്‌ കുട്ടികള്‍ കൌണ്‍സിലര്‍മാരെ കൈ പിടിച്ചു കൊണ്ട് പോവുന്നത് കൊണ്ടും, സ്വന്തം ഇറങ്ങി ചെല്ലുന്നത് കൊണ്ടും ഇവര്‍ സത്യത്തില്‍ മാറ്റത്തിന്റെ മാധ്യമങ്ങള്‍ തന്നെയാണ്. കുട്ടികള്‍, എന്തും എളുപ്പത്തില്‍ ,, ആശ്വാസത്തോടെ ഇവരുമായി പങ്കു വെക്കുന്നത് കാരണം, കുറെ മാനസിക സംഘര്‍ഷങ്ങള്‍ ഒഴിവാക്കാന്‍ ഇവര്‍ മൂലം സാധിക്കുന്നുണ്ട്.

പക്ഷെ ഇത്തരം പ്രകൃതി വിരുദ്ധരെ സമൂഹത്തില്‍ ഇല്ലാതാക്കാനോ അല്ലെങ്കില്‍ കുറച്ചു കൊണ്ട് വരാനോ, തക്കതായ നിയമ നടപടികളും, നിയമ പാലകരും കൂടിയേ തീരൂ.. സ്ത്രീ പീഡന പരാതികളുടെ കാര്യത്തില്‍ ഇപ്പോള്‍ വന്നു കൊണ്ടിരിക്കുന്ന ശുഷ്കാന്തി എല്ലാതരം ലൈംഗീക ചൂഷണത്തിന്റെ കാര്യങ്ങളിലും കൈകൊള്ളെണ്ടത് വളരെ അത്യാവശ്യമാണ്. ഇല്ലെങ്കില്‍ പുതു തലമുറയിലെ ചെറുതല്ലാത്ത ശതമാനത്തിന്‍റെ ഭാവി ആശങ്ക ജനകമാണ്.





Comments

  1. സ്വവര്‍ഗ രതി അഥവാ ആണ്‍ പീഡനം എന്നത് നമ്മുടെ സമൂഹം ഇന്നും സീരിയസ് ആയി കണക്കിലെടുക്കാത്ത ഒന്നാണ്. ആശ്ചര്യം എന്ന് തോന്നാവുന്ന ഒരു കാര്യം മുസ്ലിം സമുദായതിനിദയിലാനു ഇത് കൂടുതലും കണ്ടു വരുന്നത്. അതിനെ കുറിച്ച് വല്ല പഠനവും നടന്നിട്ടുണ്ടോ എന്നറിയില്ല . പക്ഷെ ഇതാണ് യാഥാര്‍ത്ഥ്യം. പ്രത്യേകിച്ചും മലപ്പുറം കോഴിക്കോട് ജില്ലകളില്‍ . ഒരു പുരുഷന് സ്ത്രീ ശരീരം കാണുമ്പോള്‍ തോന്നുന്ന കാമവും വികാരവുമേന്താണോ അതെ വികാരം തന്നെ ആണ് ആണ്‍ കുട്ടികളെ കാണുമ്പോള്‍ ഇത്തരക്കാര്‍ക്ക് അനുഭവപെടുന്നത്. കോഴിക്കോട് പാളയം , മൊഫ്യൂസല്‍ ബസ്ടന്റ്റ് എന്നിവ കേന്ദ്രീകരിച്ചു വലിയ രാക്കെട്റ്റ് തന്നെയുണ്ട്‌. ., കൊഴികോട് കൂടുതലായും കണ്ടു വരുന്നത് അമ്പതു വയസ്സിനു മുകളിലുള്ള ആളുകളാണ് . ഉപയോഗിക്കുന്ന ആണ്‍കുട്ടികളില്‍ 90 ശതമാനവും തന്നിഷ്ട്ടപ്രകാരം തന്നെയാണ് ഈ വേഴ്ചക്ക് കൂട്ട് നില്‍ക്കുന്നത്. അതിനു പ്രത്യേക കാരണവുമുണ്ട്. കൌമാരക്കാരായ ആണ്‍ കുട്ടികളുടെ വീക്നെസ് ആണ് ബൈക്,മൊബൈല്‍, പുതിയ കാറുകള്‍, മുന്തിയ ഹോട്ടലിലെ ഭക്ഷണം , പണം പിന്നെ നീല ചിത്രങ്ങള്‍ കാണുവാനുള്ള ആകാംഷയും ഹോര്‍മോണ്‍ വ്യതിയാനവുമായി ബന്ധപെട്ട സെക്സ് താല്പര്യങ്ങളും. കുട്ടികള്‍ ആഗ്രഹിക്കുന്നതെന്താണോ അത് ഇരട്ടയിലധികം കൊടുക്കുവാന്‍ പീഡകര്‍ തയാറാവുകയും ചെയ്യും.
    എല്ലാ നാട്ടിലും എല്ലാ അങ്ങാടിയിലും, സ്കൂള്‍, പള്ളി, മദ്രസ എന്നിവ കേന്ദ്രീകരിച്ചു നിരവധി പേരുണ്ടാവും.
    കൂടുതലും പ്രദേശത്തെ മാന്ന്യന്മാരോ, രാഷ്ട്രീയ സാമുദായിക പ്രവര്‍ത്തകരോ നേതാക്കളോ ഒക്കെ ആയിരിക്കും. ഇത്തരം ആളുകളെ പറ്റി ഒട്ടുമിക്ക ആളുകള്‍ക്ക് അറിയികയും ചെയ്യും. പക്ഷെ ഇതൊരു വലിയ കുറ്റമായി ഇന്നും സമൂഹം കാണുന്നില്ല എന്നതാണ് യാഥാര്‍ത്ഥ്യം . ഇത്തരം പ്രവര്തിയ്ല്‍ എര്‍പെടുന്നവര്‍ക്ക് എന്ത് തരം സംത്ര്‍പ്തി ആണ് ലഭിക്കുന്നത് പഠന വിധേയ്യം ആകേണ്ട ഒരു വസ്തുതയാണ്. എന്തായാലും ചികിത്സിച്ചു മാറ്റേണ്ടഒരു മാനസിക രോഗം തന്നെയാണ്. ഇതിനോടുള്ള സമൂഹത്തിന്റെ മനോഭാവവും മാടപെടെണ്ടത് തന്നെ. കൂടുതലറിയാന്‍ താഴെ കാണുന്ന ലിങ്കില്‍ പോവുക.

    by, nizam khobar

    http://boolokam.com/archives/76169

    ReplyDelete
    Replies
    1. thank you nizam for adding more information to it.. it s relevant topic we should talk about...because most of the people are ignorant about the thing that boys are also harassed...and nobody is discussing about it..u are right that most of the boys are going for it as their own wish, because these harassers are giving mind blowing gifts to them....anyway let us welcome more discussion on this topic.

      Delete
  2. Noor its good that you mentioned about the sexual harassment boys have to face.but one question,what made you write about it? so the so called matured men do the same with 3-4 years old girls,that too with more cruelty.what about their physical and mental well being? can you imagine the life they have to live after this joint rape..most of them are then diagnosed HIV positive!! And I agree with Nizam khobar,he is right,am very ashamed to say its done by muslims most..I have heard these type stories from boys who stay at such renowned muslim management school hostels..and everytime the culprit will be their teachers mostly "usthad" and thats y they dont responde may be..the shock from our own teacher,relative,father,brother,uncle,neighbour..how can he/she overcome that ? and so sad and sorry to say,nothing is gonna happen in our country..the judiciary will drag the case for years and leave these animals!!we are lucky that we are still safe and may Allah keep us all safe from such evil ,aameen.

    ReplyDelete
    Replies
    1. thank you haash for expressing your opinion. let me answer to the question u asked me. what made me write this article is, some experience which i heard about... when i asked this to the school teachers they have to say much more incidents like this. after all they came to know much incidents but they can't do much...
      the second one, yes am agreeing with you that, the rape victim girls were facing so many mental, physical problems. the mental stress which they are facing is beyond our imagination. why i didn't mention that here is, to focus only on boy harassment and to get more discussion on it. because nobody is talking about this while everybody is crying for girls security and policy and law making. so let us raise our voice against this too to get equal and strong consideration, awareness and so on.

      Delete
  3. വളരെ നന്നായി ഇങ്ങനെയൊരു പോസ്റ്റ്‌ ഇട്ടത്.ലൈംഗിക അതിക്രമങ്ങളെപറ്റിയുള്ള സൂചനകള്‍ ആണ്‍കുട്ടികള്‍ക്കും,പെണ്‍കുട്ടികള്‍ക്കും കൌമാരപ്രായം ആകുന്നതിനു മുമ്പേ തന്നെ(1st std to 4th std) അമ്മമാര്‍ പറഞ്ഞുകൊടുക്കണം. അരുതാത്ത രീതിയില്‍, ആരെങ്കിലും സ്പര്‍ശിക്കുകയാണെങ്കില്‍ അത് വീട്ടില്‍ അറിയിക്കണമെന്നും അവരുമായിട്ടുള്ള കൂട്ട് ഒഴിവാക്കണമെന്നും തീരെ ചെറിയ പ്രായത്തില്‍ തന്നെ പറഞ്ഞു കൊടുക്കുക.കുറച്ചു വലുതായാല്‍ പിന്നെ അവര്‍ക്ക് എല്ലാം സുഹൃത്തുക്കള്‍ പറയുന്നതാവും ശരി. ആ പ്രായത്തിനു മുമ്പ് തന്നെ വേണ്ട അവബോധം വളര്‍ത്തിയാല്‍ പിന്നീട് കൌമാരത്തില്‍ തെറ്റും ശരിയും തിരിച്ചറിയാനുള്ള കഴിവുണ്ടാകും.
    അനിത.

    ReplyDelete
    Replies
    1. thank you anitha for expressing your views on this topic

      Delete
  4. കണ്ണും കാതും തുറന്നിരുന്നിട്ടും ആപതുകളിലേക്ക് വലിച്ചിഴക്കപ്പെടുന്ന ഇക്കാലത്ത് അത് അടച്ചു വെച്ചാലുള്ള സ്ഥിതി...

    മാതാപിതാക്കളുടെയും ഗുരുനാഥന്മാരുടെയും ശ്രദ്ധ കുട്ടികളില്‍ നല്ല പോലെ ഉണ്ടാവണം. ചിലയിടങ്ങളില്‍ അങ്ങനെയുള്ളവര്‍ തന്നെ വേടന്മാര്‍ ആകുമ്പോള്‍ ........?

    എങ്ങനെ ചിന്തിക്കുംപോലും വേദനയും ഞെട്ടലും ഉണ്ടാക്കുന്നു ഇത്തരം വിഷയങ്ങള്‍ അടുത്തറിയുമ്പോള്‍...!..

    ReplyDelete
  5. കുട്ടികളെ ഇത്തരം ആക്രണമങ്ങളിൽ നിന്ന് ഒഴിഞ്ഞുമാറാനും ഇത്തരം ആളുകളെ മനസിലാക്കി പെട്ടെന്ന് രക്ഷയുള്ള ഇടങ്ങളിലേക്ക് മാറിനിക്കാനുമുള്ള കാര്യങ്ങൾ പഠിപ്പിക്കുകയാണ് നാം ആത്യം ചെയ്യേണ്ടത്,
    ഒരാൾ എന്തിനാണ് തന്നെ കൂട്ടിക്കൊണ്ട് പോവുന്നത് എന്ന് അറിയാതെയാണ് പല ആൺകുട്ടിക്കളും ഇതിൽ ചെന്ന് ചാടുന്നത്,
    ആൺകുട്ടികളെ എങ്ങോട്ടുംവിടാം എന്ന നമ്മുടെ തെറ്റായ ധാരണയും, ഇതിനൊക്കെ കാരണമായി വരുന്നു


    ReplyDelete
    Replies
    1. ya, you are right shaju athanikkal...parents are thinking they can send their boys to anywhere with out fear..thank you expressing ur opinion..

      Delete
  6. Very well said.. We really have to think more about it.
    -
    Pls do correct the spelling mistakes.. :)

    ReplyDelete
    Replies
    1. thank you sangeeth, i will try to correct it...

      Delete
  7. ആണായാലും പെണ്ണായാലും കുട്ടികള്‍ക്കും മുതിര്‍ന്നവര്‍ക്കും ഒട്ടും രക്ഷയില്ല എന്ന സ്ഥിതി ആപത്ക്കരമായ അവസ്ഥാവിശേഷമാണു. മനോരോഗികള്‍ നിറഞ്ഞ ഒരു മാലിന്യകൂമ്പാരമായി മാറുകയാണു നമ്മുടെ നാട്. ശക്തമായ ബോധവത്ക്കരണവും കടുത്ത ശിക്ഷാനടപടികളും കൈക്കൊള്ളുവാന്‍ ബന്ധപ്പെട്ടവര്‍ ഇനിയെങ്കിലും ശ്രദ്ധിക്കണം.

    നല്ല ലേഖനം.

    ReplyDelete
    Replies
    1. സത്യമാണ്, ബോധവല്കരണം തീരെ ഇല്ലാത്ത ഒരു മേഖലയാണിത്. മാതാപിതാക്കള്‍ക്ക്, കുട്ടികള്‍ക്ക്, എല്ലാം ബോധാമുണ്ടാക്കി കൊടുക്കേണ്ടിയിരുന്നു. കുട്ടികള്‍ക്ക് തിരിച്ചരിവുണ്ടാക്കാന്‍ നമ്മള്‍ സഹായികേണ്ടി ഇരിക്കുന്നു. സ്ത്രീ സുരക്ഷക്ക് വേണ്ടി ശബ്ദമുയര്‍ത്തുമ്പോള്‍ കൂടെ ഉയര്‍ന്ന ശബ്ദങ്ങള്‍ ഈ കാര്യത്തിലും ഉണ്ടാവട്ടെ...നന്ദി ശ്രീകുട്ടന്‍

      Delete
  8. ലൈംഗികത എന്നാല്‍ എന്തെന്ന തിരിച്ചറിവില്ലാത്ത കാടന്മാര്‍ വാഴുന്ന സമൂഹമായി നമ്മുടെ സമൂഹം കൂടുതല്‍ കൂടുതല്‍ അധപതിക്കുന്നു. കുട്ടികള്‍ ഇവരുടെ കൈകളാല്‍ ലിംഗഭേദമന്യേ പീഡനത്തിനിരയായിക്കൊണ്ടിരിക്കുന്നു. കൃത്യമായ ഒരു പരിഹാരമാര്‍ഗ്ഗം കണ്ടെത്താനാവാതെ ഭീതിയില്‍ ഉഴറുക മാത്രമാണു നമ്മള്‍ ചെയ്യുന്നത്. നിയമങ്ങള്‍ക്കും മറ്റു നിയന്ത്രണങ്ങള്‍ക്കും അപ്പുറം മത സാമൂഹിക സംഘടനങ്ങള്‍ ഇത്തരം വിഷയങ്ങളില്‍ ഇടപെട്ട് പ്രവര്‍ത്തിക്കേണ്ടിയിരിക്കുന്നു. ലൈംഗികത പറയേണ്ടിയിരിക്കുന്നു. അതിനെ കുറിച്ച് വ്യക്തമായി പരാമര്‍ശിക്കാനും പരാതി പറയാനുമുള്ള ആര്‍ജ്ജവം കുട്ടികളില്‍ വളര്‍ത്തിയെടുക്കണം. മറ്റൊരാള്‍ തല്ലിയാല്‍ പരാതിപ്പെടുന്ന അതേ പോലെ ഈ കാര്യവും പരാതിപ്പെടാം എന്ന ധൈര്യം അവരില്‍ ഉണര്‍ത്തണം.എന്തായാലും വളരെ പ്രസക്തമായ ചിന്തകള്‍

    ReplyDelete
    Replies
    1. പരിഹാരമായി 'ചിലത്' ചെയ്തിട്ട് കാര്യമില്ല നിസാരാ.. കൃത്യമായ പഠനത്തോടെ, മുന്‍കരുതലോടെ, താഴെകിട മുതല്‍ മേല്‍ത്തട്ട് വരെ ഒരു പോലെ നടപ്പില്‍ വരുത്താവുന്ന, ശക്തമായ ഇടപെടലുകള്‍ നടത്താവുന്ന പരിഹാര മാര്‍ഗങ്ങള്‍ നാം ഉണ്ടാകേണ്ടി ഇരിക്കുന്നു.. ലൈന്ഗീകത ഇനിയും തുറന്നു സംസാരിക്കാതെ ഇരുന്നിട്ട് കാര്യമൊന്നുമില്ല. കര്യപെട്ടത്‌ നമ്മള്‍ കുട്ടികളില്‍ നിന്ന് മറച്ചു വെക്കുമ്പോള്‍, എന്തിന്‍റെയോക്കെയോ മറവില്‍ അവര്‍ ലൈന്ഗീകത അവരുടെ ജീവിതത്തിന്‍റെ ഭാഗമാവുന്നുണ്ട്. ഇതിനെക്കുറിച്ച് നമുക്ക് ഉറക്കെ സംസാരിക്കാം. ശബ്ദമുയര്‍ത്തിയതിന് നന്ദി.

      Delete
  9. സമൂഹം ചൂഷണങ്ങളില്‍ നിന്ന് പെണ്‍കുട്ടികളെ കൂടുതല്‍ ശ്രദ്ധിക്കുമ്പോള്‍ ആണ്‍കുട്ടികളെ കയ്യിലെടുക്കാന്‍ പദ്ധതിയിടുന്നവര്‍ക്ക് അതൊരു മറയാവുന്നു. കുട്ടിക്കാലത്ത് നാട്ടിന്‍പുറത്ത്‌ ഞാന്‍ നടക്കാത്ത ഊടുവഴികളില്ലായിരുന്നു. ഒരു പ്രശ്നവുമുണ്ടായിട്ടില്ല. ഇന്ന് പതിനൊന്ന് കഴിഞ്ഞ മകനെ കണ്‍വെട്ടത്തുനിന്ന് വിടാന്‍ പേടിയാണ്.

    ReplyDelete
  10. അധികമാരും ചര്‍ച്ച ചെയ്തു കാണാത്ത എന്നാല്‍ പ്രസക്തി ഒട്ടും കുറയാത്ത ഒരു സാമൂഹ്യ വിഷയത്തിലേക്കാണ് താങ്കള്‍ ചര്‍ച്ചയുടെ വാതില്‍ തുറന്നിട്ടിരിക്കുന്നത് ,ഇത്തരം സാമൂഹിക വിപത്തിനെതിരെ കൂടുതല്‍ ബോധവല്‍ക്കരണം ആവശ്യമാണ്‌ .നല്ല ലേഖനം ,കൂടുതല്‍ പേര്‍ ഇത് വായിക്കട്ടെ ,,

    ReplyDelete
  11. Need to channelize the energy of our people, there are no play grounds around, none playing football, volley ball, no physical activity at all. These guys just spend their time, by looking at their mobiles or PCs or tablets. Let our boys be physical strong, then they will be able to cut the others out. We have awesome energy, but gone in Vain.

    ReplyDelete
  12. എന്തൊക്കെ ചതിക്കുഴികള്‍ നമുക്ക് ചുറ്റും ഒളിഞ്ഞിരിപ്പുണ്ട് എന്ന്, മാതാപിതാക്കള്‍ കുട്ടികളില്‍ ബോധവല്‍ക്കരണം നടത്തണം. എന്തും തുറന്നു പറയാനുള്ള ഒരു സാഹചര്യം കുടുംബങ്ങളില്‍ ഒരുക്കിയെടുക്കുകയും വേണം. സ്ത്രീ പീഡന പരാതികളുടെ കാര്യത്തില്‍ ഇപ്പോള്‍ വന്നു കൊണ്ടിരിക്കുന്ന ശുഷ്കാന്തി എല്ലാതരം ലൈംഗീക ചൂഷണത്തിന്റെ കാര്യങ്ങളിലും കൈകൊള്ളെണ്ടത് വളരെ അത്യാവശ്യമാണ്.നൂറാ മുന്നറിയിപ്പുകളും,ഓര്‍മ്മപ്പെടുത്തലുകളും എപ്പോഴും നല്ലതാണ്.

    ReplyDelete
  13. രക്ഷിതാക്കളുടെ ജാഗ്രതയും അധ്യാപകരുടെ സജീവ ശ്രദ്ദയും സാമൂഹ്യ സന്നദ്ധ സംഘടനകളുടെ ക്രിയാത്മക ഇടപെടലും വ്യാപക ബോധവല്‍ക്കരണവും മാതൃകാ ശിക്ഷാ നടപടികളും അനിവാര്യം

    ReplyDelete
  14. കുട്ടികൾ ആണായാലും പെണ്ണായാലും ചതിക്കുഴികളെ തിരിച്ചറിയാൻ ചെറുപ്പത്തിലെ പ്രാപ്തരാക്കെണ്ടാതുണ്ട്

    ReplyDelete

Post a Comment

Popular Posts